ಬರಿದೆ ಹೋಯಿತು

📂 ಶ್ರೀಕೃಷ್ಣ

✍️ ಪುರಂದರದಾಸ

🏷️ ಕೀರ್ತನೆಗಳು

🎵 ರಾಗ: ಪಹಾಡೀ

🥁 ತಾಳ: ತೇವರಾ

ಬರಿದೆ ಹೋಯಿತು ಹೋಯಿತು ಹೊತ್ತು |
ನರಜನ್ಮಸ್ಥಿರವೆಂದು ನಾನಿದ್ದನೊ ರಂಗ ||

ಆಸೆ ಎಂಬುದು ಎನ್ನ ಕೇಶಪಡಿಸುತಿದೆ
ಗಾಸಿಯಾದೆನೊ ಹರಿ ನಾರಾಯಣ |
ವಾಸುದೇವನೆ ನಿನ್ನ ಧ್ಯಾನವ ಮಾಡದೆ
ನಾಶವಾಯಿತು ಜನ್ಮ ಮೋಸಹೋದೆನು ಕೃಷ್ಣ ||

ಪರರ ಸೇವೆಯ ಮಾಡಿ ಪರರನ್ನೆ ಕೊಂಡಾಡಿ
ಮರುಳುತನದಲಿ ಮತಿಹೀನನಾದೆ |
ನೆರೆ ನಂಬಿದೆನೊ ನಿನ್ನ ಕರುಣದಿಂದಲಿ ಎನ್ನ
ಮರೆಯದೆ ಸಲಹಯ್ಯ ಪುರಂದರವಿಟ್ಠಲ ||