ಮರೆಯಬೇಡ ಮನವೆ

📂 ಶ್ರೀಕೃಷ್ಣ

✍️ ಪುರಂದರದಾಸ

🏷️ ಕೀರ್ತನೆಗಳು

🎵 ರಾಗ: ರಾಗೇಶ್ವರೀ

🥁 ತಾಳ: ದಾದರಾ

ಶ್ರವಣ ಮಾಡಿ

ಸ್ವಾಮಿ ಭಗವದಾನಂದ

ಮರೆಯಬೇಡ ಮನವೆ ನೀನು ಹರಿಯ ಸ್ಮರಣೆಯ ||

ಯಾಗಯಜ್ಞ ಮಾಡಲೇಕೆ
ಯೋಗಿಯತಿಯು ಆಗಲೇಕೆ |
ನಾಗಶಯನ ನಾರದನುತನ
ಕೂಗಿ ಭಜನ ಮಾಡೋ ||

ಸತಿಯು ಸುತರು ಹಿತರು ಎಂದು
ಮತಿಯುಗೆಟ್ಟು ಕೆಡಲಿಬೇಡ |
ಗತಿಯು ತಪ್ಪಿ ಹೋಗುವಾಗ
ಸತಿಯು ಸುತರು ಬರುವರೇ ||

ಹರಿಯ ಸ್ಮರಣೆ ಮಾತ್ರದಿಂದ
ಘೋರದುರಿತವೆಲ್ಲ ನಾಶ |
ಪರಮಪುರುಷ ಶ್ರೀ ಪುರಂದರ
ವಿಟ್ಠಲರಾಯ ಪದವಿ ಕೊಡುವ ||