ಯಾರ ಪ್ರೇಮದ ಪರಮಪೂರವು

📂 ಶ್ರೀರಾಮಕೃಷ್ಣ

✍️ ಹೆಚ್ ಎನ್ ಮುರಳೀಧರ

🏷️ ಕೀರ್ತನೆಗಳು

🎵 ರಾಗ: ತಿಲಂಗ್

🥁 ತಾಳ: ತೇವರಾ

ಶ್ರವಣ ಮಾಡಿ

ವಿದ್ವಾನ್ ಶ್ರೀ ಗುರುರಾಜ್

ಯಾರ ಪ್ರೇಮದ ಪರಮಪೂರವು ನೀಚರೆದೆಗೂ ಹರಿಯಿತೋ,
ಯಾವ ಲೋಕಾತೀತಮಹಿಮನ ಕರುಣೆ ಲೋಕಕೆ ದುಡಿಯಿತೋ,
ಯಾವನಪ್ರತಿ - ಮಹಿಮನೋ ಮೇಣ್ ಮಾತೆ ಸೀತೆಯ ನಾಥನೋ,
ಯಾರು ಸೀತೆಯ ಭಕುತಿಯಿಂದಲಿ ಜ್ಞಾನದೇಹದಿ ವ್ಯಾಪ್ತನೋ;

ಯಾರು ಮಧುತರ ಶಾಂತಗೀತೆಯ ಯುದ್ಧರಂಗದಿ ಮೊಳಗುತ
ಪ್ರಳಯಶಬ್ದವ ಸ್ತಬ್ದಗೊಳಿಸುತ ಸಿಂಹನಾದವ ಸಿಡಿಸುತ
ಮೋಹತಿಮಿರವನಿಲ್ಲಗೈಯುತ ಕೃಷ್ಣರೂಪದಿ ನಿಂದನೋ
ಅವನೆ ಇಂದಿಗೆ ರಾಮಕೃಷ್ಣನ ಹೆಸರೊಳಸೆಯುತಲಿರುವನು |