← ಶ್ರೀರಾಮಕೃಷ್ಣ
ಶ್ರೀರಾಮಕೃಷ್ಣ-ಮಂಗಲಾಶಾಸನಮ್
ಮಂಗಲಂ ದೇಶಿಕೇಂದ್ರಾಯ ಯಮಿನಾಂ ಚಕ್ರವರ್ತಿನೇ।
ಪರಾಶಕ್ತಿ-ಸ್ವರೂಪಿಣ್ಯೈ ದೇವ್ಯೈ ಭವತು ಮಂಗಲಮ್ ॥೧॥
ಪರಾಶಕ್ತಿ-ಸ್ವರೂಪಿಣ್ಯೈ ದೇವ್ಯೈ ಭವತು ಮಂಗಲಮ್ ॥೧॥
ಸತ್ಯಸಂಧಸ್ಯ ಭಕ್ತಸ್ಯ ಕ್ಷುದೀರಾಮಸ್ಯ ಸೂನವೇ |
ಗದಾಧರಾಯ ಮೇದಿನ್ಯಾಮವತೀರ್ಣಾಯ ಮಂಗಲಮ್ ॥ ೨॥
ಗದಾಧರಾಯ ಮೇದಿನ್ಯಾಮವತೀರ್ಣಾಯ ಮಂಗಲಮ್ ॥ ೨॥
ಗದಾಧರಸುನಾಮ್ನೇ ಚ ಭಕ್ತ್ಯಾವೇಷ್ಟಿತಚೇತಸೇ ।
ಅನಾದೃತಾನ್ಯವಿದ್ಯಾಯ ಮಂಗಲಂ ಬ್ರಹ್ಮಚಾರಿಣೇ ॥ ೩॥
ಅನಾದೃತಾನ್ಯವಿದ್ಯಾಯ ಮಂಗಲಂ ಬ್ರಹ್ಮಚಾರಿಣೇ ॥ ೩॥
ಭವತಾರಣದಕ್ಷಾಯಾಸನ್ನಿಧೌ ದಕ್ಷಿಣೇಶ್ವರೇ ।
ಅಪೂರ್ವಕಾಲಿಕಾಪೂಜಾನಿರತಾಯಾಸ್ತು ಮಂಗಲಮ್ ॥೪॥
ಅಪೂರ್ವಕಾಲಿಕಾಪೂಜಾನಿರತಾಯಾಸ್ತು ಮಂಗಲಮ್ ॥೪॥
ಮಥುರಾನಾಥವಿಶ್ವಾಸಸೇವಾನಿರ್ವೃತಚೇತಸೇ।
ತಪಶ್ಚರಣಶೀಲಾಯ ಯೋಗೀಶಾಯಾಸ್ತು ಮಂಗಲಮ್ ॥೫॥
ತಪಶ್ಚರಣಶೀಲಾಯ ಯೋಗೀಶಾಯಾಸ್ತು ಮಂಗಲಮ್ ॥೫॥
ಸಾಧಕವ್ಯಾಜಸಂದಿಷ್ಟಸರ್ವಾಮ್ನಾಯಸುವರ್ತ್ಮನೇ!
ಸರ್ವತಂತ್ರಸ್ವತಂತ್ರಾಯ ನಿತ್ಯಸಿದ್ಧಾಯ ಮಂಗಲಮ್ ॥೬॥
ಸರ್ವತಂತ್ರಸ್ವತಂತ್ರಾಯ ನಿತ್ಯಸಿದ್ಧಾಯ ಮಂಗಲಮ್ ॥೬॥
ತಪಸಿ ಬ್ರಹ್ಮಚರ್ಯೇ ಚ ಯಾ ಸ್ವಸ್ಯ ಸಹಧರ್ಮಿಣೇ।
ತಸ್ಯಾಃ ಶ್ರೀಶಾರದಾದೇವ್ಯಾ ಭರ್ತ್ರೇ ಭವತು ಮಂಗಲಮ್ 1॥೭॥
ತಸ್ಯಾಃ ಶ್ರೀಶಾರದಾದೇವ್ಯಾ ಭರ್ತ್ರೇ ಭವತು ಮಂಗಲಮ್ 1॥೭॥
ತೋತಾಪುರೀಯತಿಪ್ರಾಪ್ತಚರಮಾಶ್ರಮಹೇತುಕೇ |
ಸಮಾಧೌ ನಿರ್ವಿಕಲ್ಪಾಖ್ಯೇ ಸುದೀರ್ಘಸ್ಥಾಯ ಮಂಗಲಮ್ 1॥೮॥-
ಸಮಾಧೌ ನಿರ್ವಿಕಲ್ಪಾಖ್ಯೇ ಸುದೀರ್ಘಸ್ಥಾಯ ಮಂಗಲಮ್ 1॥೮॥-
ಸ್ಥಿತಾಯ ಮಾತುರಾದೇಶಾಜ್ಜಗದುದ್ಧಾರಕಾರಣಾತ್ ।
ಪೂರ್ಣಾಹಂತಾಸ್ಥಿತೌ ಭಾವಮುಖೇ ಭವತು ಮಂಗಲಮ್ ॥೯॥
ಪೂರ್ಣಾಹಂತಾಸ್ಥಿತೌ ಭಾವಮುಖೇ ಭವತು ಮಂಗಲಮ್ ॥೯॥
ಪಶ್ಯತೇ ಮಾತರಂ ಸ್ತ್ರೀಷು ಮೃತ್ಪಿಂಡಂ ಕಾಂಚನೇ ತಥಾ।
ಸರ್ವಭೂತೇಷು ಚ ಬ್ರಹ್ಮಮಾಯಾತೀತಾಯ ಮಂಗಲಮ್ ॥ ೧೦॥
ಸರ್ವಭೂತೇಷು ಚ ಬ್ರಹ್ಮಮಾಯಾತೀತಾಯ ಮಂಗಲಮ್ ॥ ೧೦॥
ಸದಾರೋsಪಿ ವಿರಕ್ತಾನಾಂ ಯತೀನಾಂ ಪುರತಸ್ತು ಯಃ |
ಸದಾಶಿವ-ಸ್ವರೂಪಾಯ ತಸ್ಮೈ ಭವತು ಮಂಗಲಮ್ !1೧೧॥
ಸದಾಶಿವ-ಸ್ವರೂಪಾಯ ತಸ್ಮೈ ಭವತು ಮಂಗಲಮ್ !1೧೧॥
ಬ್ರಹ್ಮಾನಂದಾದಿಸಚ್ಛಿಷ್ಯಗಣಪೂಜ್ಯಪದಾಯ ತೇ |
ತೇಷೂದ್ದೀಪ್ತಾತ್ಮ ಬೋಧಾಯ ಪರಹಂಸಾಯ ಮಂಗಲಮ್ ॥ ೧೨॥
ತೇಷೂದ್ದೀಪ್ತಾತ್ಮ ಬೋಧಾಯ ಪರಹಂಸಾಯ ಮಂಗಲಮ್ ॥ ೧೨॥
ಗರ್ಜದ್ವೇದಾಂತಸಿಂಹೇನ ವಿವೇಕಾನಂದರೂಪಿಣಾ ।
ಅಪಾಸ್ತನಿದ್ರಾಭೂರ್ಯೆನ ಕಾರಿತಾ ತಸ್ಯ ಮಂಗಲಮ್ ॥೧೩॥
ಅಪಾಸ್ತನಿದ್ರಾಭೂರ್ಯೆನ ಕಾರಿತಾ ತಸ್ಯ ಮಂಗಲಮ್ ॥೧೩॥
ಸಂಸಾರಸಾಗರೋತ್ತಾರಸೇತುಭೂತಾಂಘ್ರಿರೇಣವೇ |
ಗುರವೇ ಸರ್ವಲೋಕಾನಾಂ ರಾಮಕೃಷ್ಣಾಯ ಮಂಗಲಮ್ ॥೧೪॥
ಗುರವೇ ಸರ್ವಲೋಕಾನಾಂ ರಾಮಕೃಷ್ಣಾಯ ಮಂಗಲಮ್ ॥೧೪॥
ಓಂ ಸ್ಥಾಪಕಾಯ ಚ ಧರ್ಮಸ್ಯ ಸರ್ವಧರ್ಮಸ್ವರೂಪಿಣೇ ।
ಅವತಾರವರಿಷ್ಠಾಯ ರಾಮಕೃಷ್ಣಾಯ ಮಂಗಲಮ್ ॥!೧೫॥
ಅವತಾರವರಿಷ್ಠಾಯ ರಾಮಕೃಷ್ಣಾಯ ಮಂಗಲಮ್ ॥!೧೫॥
ಮಂಗಲಂ ಗುರುದೇವಾಯ ದೇವ್ಯೈ ಮಾತ್ರೇ ಚ ಮಂಗಲಮ್ |
ಮಂಗಲಂ ಭಕ್ತವೃಂದೇಭ್ಯಃ ಸರ್ವಲೋಕಾಯ ಮಂಗಲಮ್ ॥೧೬॥
ಮಂಗಲಂ ಭಕ್ತವೃಂದೇಭ್ಯಃ ಸರ್ವಲೋಕಾಯ ಮಂಗಲಮ್ ॥೧೬॥