ಶ್ರೀರಾಮಕೃಷ್ಣಪ್ರಾತಸ್ಮರಣಮ್

📂 ಶ್ರೀರಾಮಕೃಷ್ಣ

✍️ ಓಟ್ಟೂರ್ ಬಾಲಭಟ್ಟ

🏷️ ಸುಪ್ರಭಾತ

ಪ್ರಾತಃಸ್ಮರಾಮಿ ಪರಿಶುದ್ಧಕುಲಾಭಿಜಾತಮ್
ಆಜನ್ಮಪುಣ್ಯಚರಿತಂ ವಿಮಲಾಂತರಂಗಮ್ |
ಸತ್ಯಕ್ಷಮಾವಿರತಿಧೈರ್ಯದಯಾಸಮುದ್ರಂ
ಶ್ರೀರಾಮಕೃಷ್ಣಮವತಾರಶಿಖಾವತಂಸಮ್ ||

ಪ್ರಾತರ್ಭಜಾಮಿ ಭುವನತ್ರಯಭದ್ರದೀಪಂ
ಯೋಗಾಧ್ವಖಿನ್ನಸುಜನವ್ರಜಮೋಕ್ಷತಲ್ಪಮ್ |
ನಿಶ್ಯೇಷತಪ್ತಜನಜಾತಕಕಾಲಮೇಘಂ
ಶ್ರೀರಾಮಕೃಷ್ಣಮಘರಾಕ್ಷಸಕಾಲರಾತ್ರಿಮ್ ||

ಪ್ರಾತರ್ನಮಾಮಿ ಶರಣಾಗತಕಲ್ಪವೃಕ್ಷಮ್
ಕಾತ್ಯಾಯನೀಚರಣಪಂಕಜಚಂಚರೀಕಮ್ |
ಸಂಸ್ಥಾಪಿತಾಖಿಲಸನಾತನಧರ್ಮಸೇತುಂ
ಶ್ರೀರಾಮಕೃಷ್ಣಮಪುನರ್ಭವಸಾಗರೇಂದುಮ್ ||