ಶ್ರೀಘನಶ್ಯಾಮೆಯ ಚರಣಾಕಾಶದಿ

📂 ಶ್ರೀದೇವಿ

✍️ ವಚನವೇದ

🏷️ ಕೀರ್ತನೆಗಳು

🎵 ರಾಗ: ಜೋಗಿಯಾ

🥁 ತಾಳ: ತ್ರಿತಾಳ

ಶ್ರವಣ ಮಾಡಿ

ವಿದ್ವಾನ್ ಶ್ರೀ ಗುರುರಾಜ್

ಶ್ರೀಘನಶ್ಯಾಮೆಯ ಚರಣಾಕಾಶದಿ ಗಾಳಿಪಟದಿ ತೆರದಿ
ಹಾರುತಿರಲು ಮನ ದುರಿತ ಕಲುಷಗಳ ಬಿರುಗಾಳಿಯು ಭರದಿ || ಅಮ್ಮಾ

ಬೀಸಿ ಪಟವ ಈ ತಿರೆಗೆ ತಳ್ಳಿತೋ ಮತ್ತೆ ಏರದಂತೆ
ಸತಿ ಸುತ ವ್ಯಾಮೋಹದ ಮಾಯೆಗೆ ಸಿಕ್ಕಿ ಹರಿಯುವಂತೆ || ಅಮ್ಮಾ

ಮನದ ಪಟದ ಜ್ಞಾನಮುಂಡವೇ ಮುರಿಯಲಿಳೆಗೆ ಬಿತ್ತು
ಶ್ರದ್ಧೆಯ ಸೂತ್ರವ ಹಿಡಿದಿದ್ದರೂ ಪಟ ಅರಿವರ್ಗದಿ ನಮೆದಾಯ್ತು || ಅಮ್ಮಾ

ಇಂಥ ಪಟವ ನಾ ಹಾರಾಟಕೆ ಬಿಡದಿದ್ದರೆ ಒಳಿತಾಗಿತ್ತು
ಎಂದು ನುಡಿವನೀ ನರೇಶಚಂದ್ರನು ನೋವಿನಲ್ಲಿ ನಮೆದು || ಅಮ್ಮಾ