ಹೃದಯಬೃಂದಾವನದಿ ಬಂದು ಮನೆ ಮಾಡಯ್ಯ

📂 ಶ್ರೀಕೃಷ್ಣ

✍️ ವಚನವೇದ

🏷️ ಕೀರ್ತನೆಗಳು

🎵 ರಾಗ: ರಾಗಮಾಲಿಕೆ

🥁 ತಾಳ: ಝಪತಾಲ

ಶ್ರವಣ ಮಾಡಿ

ವಿದ್ವಾನ್ ಶ್ರೀ ಗುರುರಾಜ್

ಬೃಂದಾವನ ಸಾರಂಗ -

ಹೃದಯಬೃಂದಾವನದಿ ಬಂದು ಮನೆ ಮಾಡಯ್ಯ ಕಮಲಾಪತೀ
ಓಹೋ, ಭಕ್ತಿಪ್ರಿಯನೆ ನನ್ನ ಭಕ್ತಿಯು ನಿನಗೆ ರಾಧಾಸಖೀ ||

ನನ್ನ ದೇಹವೆ ನಿನ್ನ ನಂದಗೋಕುಲವಯ್ಯ
ನನ್ನ ದೇಹವೆ ನಿನಗೆ ಶ್ರೀ ಯಶೋದೆ |
ನನ್ನ ಮುಕ್ತಿಯ ಬಯಕೆ ಗೋಪನಾರಿಯರಯ್ಯ
ಬಾ ಇಲ್ಲಿ ನೆಲಸಯ್ಯ, ಇದು ನಿನ್ನದೇ ||

ಖಮಾಜ್‌ -

ಇದನೆತ್ತಿ ಬಿಸುಡಯ್ಯ, ನೋಡು ಬಿದ್ದಿದೆ ಇಲ್ಲಿ
ನನ್ನ ಪಾಪದ ಭಾರ ಗೋವರ್ಧನ |
ಕಂಸಚರರಾಗಿರುವ ಅರಿವರ್ಗಗಳ ಕೊಂದು
ನನ್ನೊಳಗೆ ನೆಲಸಯ್ಯ ಜನಾರ್ದನ ||

ಭೂಪಾಲಿ -

ನನ್ನ ಮನಸಿನ ಬಯಲ ಹುಲ್ಲುಗಾವಲ ಚರಿಸು
ನಿನ್ನ ಕರುಣೆಯ ಕೊಳಲ ಸವಿರಾಗದೊಳಗೆನ್ನ
ಮನದ ಧೇನುವ ನಿನ್ನ ವಶವಪಡಿಸು |
ನನ್ನ ಹೃದಯದ ಕರೆಯ ಯಮುನಾನದೀ ತಟದಿ
ನನ್ನ ಬಯಕೆಯ ವೃಕ್ಷದಡಿಗೆ ನೆಲಸು ||

ಧಾನೀ -

ಅಲ್ಲಿ ಬೃಂದಾವನದಿ ರಾಖಲನ ಪ್ರೇಮವೇ
ನಿನ್ನನೀ ತೆರದಲ್ಲಿ ಬಂಧಿಸಿರಲು |
ಆ ಅಲ್ಲಿ ನನ್ನನೂ ಗೊಲ್ಲನಾಗಿಸು ದೇವ
ಎಂದು ಈ ದಾಶರಥಿ ಬೇಡುತಿಹನು ||