ಅಂತರಾಳವನಳೆವ ಕಂಗಳ

📂 ಶ್ರೀರಾಮಕೃಷ್ಣ

✍️ ಹೆಚ್ ಎನ್ ಮುರಳೀಧರ

🏷️ ಕೀರ್ತನೆಗಳು

🎵 ರಾಗ: ಭೂಪಾಲೀ

🥁 ತಾಳ: ದೀಪಚಂದಿ

ಶ್ರವಣ ಮಾಡಿ

ವಿದ್ವಾನ್ ಶ್ರೀ ಗುರುರಾಜ್

ಅಂತರಾಳವನಳೆವ ಕಂಗಳ
ಎದೆಯ ಕತ್ತಲ ಕಳೆವ ತಿಂಗಳ
ಮುಖದಿ ಶೋಭಿಪ ಹಾಸವು |
ದಿವ್ಯ ವದನದಿ ಪ್ರಭೆಯ ಹೊಮ್ಮಿಸಿ
ಭವ್ಯ ಸದನಕೆ ಪಥವ ನಿರ್ಮಿಸಿ
ಅರಳಿತಿಹುದು ನಿತ್ಯವೂ ||

ವರುಷ ವರುಷದ ತೀವ್ರ ಸಾಧನೆ-
ಯಿಂದ ಚಿಮ್ಮಿದ ಮಿಂಚಿದು ।
'ತಾಯಿ ತಾಯೀ' ಎಂದು ಅಳಲುತ
ಕೊನೆಗೆ ಪಡೆದಿಹ ಫಲವಿದು ||

ಮಾತೆ ಸೀತೆಯ ಮುಖದ ನಗೆನಿಧಿ
ಬಂದು ನೆಲೆಸಿಹುದಿಲ್ಲಿಗೆ |
ನೂರು ಸಾಸಿರ ದಳವನರಳಿಸಿ
ಕಂಪ ಬೀರುವ ಮಲ್ಲಿಗೆ ||