ಕಮಲವದನ ಕಲುಷಹರಣ

📂 ಶ್ರೀರಾಮಕೃಷ್ಣ

✍️ ಸ್ವಾಮಿ ತದ್ರೂಪಾನಂದ

🏷️ ಕೀರ್ತನೆಗಳು

🎵 ರಾಗ: ಯಮನ್ ಕಲ್ಯಾಣ್

🥁 ತಾಳ: ಏಕತಾಲ

ಕಮಲವದನ ಕಲುಷಹರಣ
ನಿನಗೆ ನಮನ ರಾಮಕೃಷ್ಣ||

ಧರಮಸ್ಥಾಪನ ನಿನ್ನಾಗಮನ
ಪರಮಪಾವನ ನಿನ್ನ ಭಜನ |
ಕೊಡುವೆ ನಿನಗೆ ಹೃದಯದಾಸನ
ಕಳೆಯೋ ಎನ್ನ ಜನುಮಮರಣ ||

ಜಗದ ಜೀವನ ಪುಣ್ಯಕಥನ
ವಿಜಿತಮದನ ಕರಮ ದಹನ |
ರಚಿಸಿ ನೀನು ವಿಶ್ವಕವನ
ನೀಡುತಿರುವೆ ತವ ದರುಶನ ||

ವಿಶ್ವಮೋಚನ ತವಗುಣಗಾನ
ಚಿತ್ತಶೋಧನ ನಿನ್ನನುಧ್ಯಾನ |
ನನ್ನದೆನುವ ತನುಮನಧನ.
ನಿನಗೆ ಅರ್ಪಣ ಹೇ ಮಮ ಜೀವನ ||