ಕೃಷ್ಣನ ನೆನೆದರೆ

📂 ಶ್ರೀಕೃಷ್ಣ

✍️ ಪುರಂದರದಾಸ

🏷️ ಕೀರ್ತನೆಗಳು

🎵 ರಾಗ: ದರಬಾರೀ ಕಾನಡಾ

🥁 ತಾಳ: ತೇವರಾ

ಕೃಷ್ಣನ ನೆನೆದರೆ ಕಷ್ಟ ಒಂದಿಷ್ಟಿಲ್ಲ|
ಕೃಷ್ಣ ಎನಬಾರದೆ ||
ನರಜನ್ಮ ಬಂದಾಗ ನಾಲಿಗೆ ಇದ್ದಾಗ
ಕೃಷ್ಣ ಎನಬಾರದೆ ||

ಮಲಗೆದ್ದು ಮೈಮುರಿದು ಏಳುತಲೊಮ್ಮೆ
ಕೃಷ್ಣ ಎನಬಾರದೆ ||
ಸುಳಿದಾಡುತ ಮನೆಯೊಳಗಾದರು ಒಮ್ಮೆ|
ಕೃಷ್ಣ ಎನಬಾರದೆ ||

ಮೇರೆ ತಪ್ಪಿ ಮಾತನಾಡುವಾಗಲೊಮ್ಮೆ|
ಕೃಷ್ಣ ಎನಬಾರದೆ ||
ದಾರಿಯ ನಡೆವಾಗ ಭಾರವ ಹೊರುವಾಗ |
ಕೃಷ್ಣ ಎನಬಾರದೆ ||

ನೀಗದಾಲೋಚನೆ ರೋಗೋಪದ್ರದಲೊಮ್ಮೆ|
ಕೃಷ್ಣ ಎನಬಾರದೆ ||
ಪರಿಪರಿ ಕೆಲಸದೊಳೊಂದು ಕೆಲಸವೆಂದು |
ಕೃಷ್ಣ ಎನಬಾರದೆ ||

ದುರಿತ ರಾಶಿಗಳನು ತರಿದು ಬಿಸಾಡಲು|
ಕೃಷ್ಣ ಎನಬಾರದೆ ||

ಗರುಡವಾಹನ ಸಿರಿ ಪುರಂದರವಿಟ್ಠಲನ್ನೆ |
ಕೃಷ್ಣ ಎನಬಾರದೆ ||