ಲಿಂಗಾಷ್ಟಕಮ್

📂 ಶ್ರೀಶಿವ

🏷️ ಕೀರ್ತನೆಗಳು

ಬ್ರಹ್ಮಮುರಾರಿಸುರಾರ್ಚಿತಲಿಂಗಂ
ನಿರ್ಮಲಭಾಸಿತಶೋಭಿತಲಿಂಗಂ ।
ಜನ್ಮಜದುಃಖವಿನಾಶಕಲಿಂಗಂ
ತತ್ ಪ್ರಣಮಾಮಿ ಸದಾಶಿವಲಿಂಗಂ ॥ 1॥

ದೇವಮುನಿಪ್ರವರಾರ್ಚಿತಲಿಂಗಂ
ಕಾಮದಹನಕರುಣಾಕರಲಿಂಗಂ ।
ರಾವಣದರ್ಪವಿನಾಶನಲಿಂಗಂ
ತತ್ ಪ್ರಣಮಾಮಿ ಸದಾಶಿವ ಲಿಂಗಮ್ ॥ 2॥

ಸರ್ವಸುಗಂಧಸುಲೇಪಿತಲಿಂಗಂ
ಬುದ್ಧಿವಿವರ್ಧನಕಾರಣಲಿಂಗಂ ।
ಸಿದ್ಧಸುರಾಸುರವಂದಿತಲಿಂಗಂ
ತತ್ ಪ್ರಣಮಾಮಿ ಸದಾಶಿವ ಲಿಂಗಮ್ ॥ 3॥

ಕನಕಮಹಾಮಣಿಭೂಷಿತಲಿಂಗಂ
ಫಣಿಪತಿವೇಷ್ಟಿತಶೋಭಿತಲಿಂಗಂ ।
ದಕ್ಷಸುಯಜ್ಞವಿನಾಶಕಲಿಂಗಂ
ತತ್ ಪ್ರಣಮಾಮಿ ಸದಾಶಿವಲಿಂಗಂ ॥ 4॥

ಕುಂಕುಮಚಂದನಲೇಪಿತಲಿಂಗಂ
ಪಂಕಜಹಾರಸುಶೋಭಿತಲಿಂಗಂ ।
ಸಂಚಿತಪಾಪವಿನಾಶನಲಿಂಗಂ
ತತ್ ಪ್ರಣಮಾಮಿ ಸದಾಶಿವ ಲಿಂಗಮ್ ॥ 5॥

ದೇವಗಣಾರ್ಚಿತಸೇವಿತಲಿಂಗಂ
ಭಾವೈರ್ಭಕ್ತಿಭಿರೇವ ಚ ಲಿಂಗಂ ।
ದಿನಕರಕೋಟಿಪ್ರಭಾಕರಲಿಂಗಂ
ತತ್ ಪ್ರಣಮಾಮಿ ಸದಾಶಿವ ಲಿಂಗಮ್ ॥ 6॥

ಅಷ್ಟದಲೋಪರಿವೇಷ್ಟಿತಲಿಂಗಂ
ಸರ್ವಸಮುದ್ಭವಕಾರಣಲಿಂಗಂ ।
ಅಷ್ಟದರಿದ್ರವಿನಾಶಿತಲಿಂಗಂ
ತತ್ ಪ್ರಣಮಾಮಿ ಸದಾಶಿವ ಲಿಂಗಮ್ ॥ 7॥

ಸುರಗುರುಸುರವರಪೂಜಿತಲಿಂಗಂ
ಸುರವನಪುಷ್ಪಸದಾರ್ಚಿತಲಿಂಗಂ ।
ಪರಾತ್ಪರಂ ಪರಮಾತ್ಮಕಲಿಂಗಂ
ತತ್ ಪ್ರಣಮಾಮಿ ಸದಾಶಿವಲಿಂಗಂ ॥ 8॥