ಹೃದಯಕಮಲಮಧ್ಯೇ

📂 ಶ್ರೀರಾಮಕೃಷ್ಣ

✍️ ಸ್ವಾಮಿ ಅಭೇದಾನಂದ

🏷️ ಸ್ತೋತ್ರಗಳು

ಹೃದಯಕಮಲಮಧ್ಯೇ ರಾಜಿತಂ ನಿರ್ವಿಕಲ್ಪಂ
ಸದಸದಖಿಲಭೇದಾತೀತಮೇಕಸ್ವರೂಪಮ್ |
ಪ್ರಕೃತಿವಿಕೃತಿಶೂನ್ಯಂ ನಿತ್ಯಮಾನಂದಮೂರ್ತಿಂ
ವಿಮಲಪರಮಹಂಸಂ ರಾಮಕೃಷ್ಣಂ ಭಜಾಮಃ ||

ನಿರುಪಮಮತಿಸೂಕ್ಷ್ಮಂ ನಿಷ್ಪ್ರಪಂಚಂ ನೀರಿಹಂ
ಗಗನಸದೃಶಮೀಶಂ ಸರ್ವಭೂತಾಧಿವಾಸಮ್ |
ತ್ರಿಗುಣರಹಿತಸಚ್ಚಿದ್ಬ್ರಹ್ಮರೂಪಂ ವರೇಣ್ಯಂ
ವಿಮಲಪರಮಹಂಸಂ ರಾಮಕೃಷ್ಣಂ ಭಜಾಮಃ ||

ವಿತರಿತುಮವತೀರ್ಣಂ ಜ್ಞಾನಭಕ್ತಿಪ್ರಶಾಂತೀಃ
ಪ್ರಣಯಗಲಿತಚಿತ್ತಂ ಜೀವದುಃಖಾಸಹಿಷ್ಣುಮ್ |
ಧೃತಸಹಜಸಮಾಧಿಂ ಚಿನ್ಮಯಂ ಕೋಮಲಾಂಗಂ
ವಿಮಲಪರಮಹಂಸಂ ರಾಮಕೃಷ್ಣಂ ಭಜಾಮಃ ||