ಪಾಲಯಸ್ವ-ನಿಪಾಲಯಸ್ವ-ಸ್ತೋತ್ರಮ್

📂 ಶ್ರೀಕೃಷ್ಣ

✍️ ವಾದಿರಾಜಸ್ವಾಮಿ

🏷️ ಸ್ತೋತ್ರಗಳು

ಪಾಲಯಸ್ವ ನಿಪಾಲಯಸ್ವ
ನಿಪಾಲಯಸ್ವ ರಮಾಪತೇ |
ವಾದಿರಾಜಮುನೀಂದ್ರವಂದಿತ
ವಾಜಿವಕ್ತ್ರ ನಮೋಸ್ತು ತೇ ||

ಮಧ್ವಹೃತ್ಕಮಲಸ್ಥಿತಂ ವರ-
ದಾಯಕಂ ಕರುಣಾಕರಮ್ |
ಲಕ್ಷ್ಮಣಾಗ್ರಜಮಕ್ಷಯಂ ದುರಿತ-
ಕ್ಷಯಂ ಕಮಲೇಕ್ಷಣಮ್ ||

ರಾವಣಾಂತಕಮವ್ಯಯಂ ವರ
ಜಾನಕೀರಮಣಂ ವಿಭುಮ್ |
ಅಂಜನಾಸುತಪಾಣಿಕಂಜ ನಿ-
ಷೇವಿತಂ ಪ್ರಣಮಾಮ್ಯಹಮ್ ||

ದೇವಕೀತನಯಂ ನಿಜಾರ್ಜುನ-
ಸಾರಥಿಂ ಗರುಡಧ್ವಜಮ್ |
ಪುತನಾಶಕಟಾಸುರಾದಿ
ಖಲಾಂತಕಂ ಪುರುಷೋತ್ತಮಮ್ ||

ದುಷ್ಟಕಂಸನಿಮರ್ದನಂ ವರ-
ರುಕ್ಮಿಣೀಪತಿಮಚ್ಯುತಮ್ |
ಭೀಮಸೇನಕರಾಂಬುಜೇನ ಸು-
ಸೇವಿತಂ ಪ್ರಣಮಾಮ್ಯಹಮ್ ||

ಜ್ಞಾನಮುಕ್ತಿಸುಭಕ್ತಿದಂ ವರ-
ಬಾದರಾಯಣಮವ್ಯಯಮ್ |
ಕೋಟಿಭಾಸ್ಕರಭಾಸಮಾನ-
ಕಿರೀಟಕುಂಡಲಮಂಡಿತಮ್ ||

ವಾಕ್ಸುದರ್ಶನತಃ ಕಲೇಃ ಶಿರ-
ಘಾತಕಂ ರಮಯಾ ಯುತಮ್ |
ಮಧ್ವಸತ್ಕರಕಂಜಪೂಜಿತ-
ಮಕ್ಷಯಂ ಪ್ರಣಮಾಮ್ಯಹಮ್ ||