ಕೈಯ ತೋರಿದ ಬಗೆಯ

📂 ಶ್ರೀಕೃಷ್ಣ

✍️ ಕನಕದಾಸ

🏷️ ಕೀರ್ತನೆಗಳು

🎵 ರಾಗ: ಶಂಕರಾಭರಣ

🥁 ತಾಳ: ಆಟತಾಳ

ಕೈಯ ತೋರಿದ ಬಗೆಯ, ಅಮ್ಮಮ್ಮ ಯಾದವಗಿರಿ ಕಲ್ಯಾಣಿ ನೀನು

ಸಕಲ ಜನರು ಕಾಣುತಿರಲು
ವಿಕೃತಿ ವತ್ಸರ ಚೈತ್ರ ದ್ವಿತೀಯೇಕಾದಶಿಯೊಳು
ಪ್ರಕಟಿತಾ ಶುಕ್ರವಾರದೊಳು ತನ್ನ
ಭಕುತರಿಗುತ್ಸಾಹ ಸಂಧ್ಯಕಾಲದೊಳು ||1||

ಕಡಗ ಕಂಕಣ ಗೀರುಗಂಧ ಮಿಗೆಕಡು
ಚೆಲುವಿನ ಬಣ್ಣ ಕುಪ್ಪುಸದಿಂದನಡು
ಬೆರಳುಂಗುರದಿಂದ ಕೈಯಬೆಡಗ
ನೋಡಿದ ಜನರಿಗೆ ಪುಟ್ಟಿತಾನಂದ ||2||

ಜನರೆಲ್ಲ ಯದುಶೈಲೋತ್ಸವವ ಕೇಳಿ
ಘನ ಕಾಲದೇಶದಜಿತ ಭಯವ
ನಿಮಗೆ ಬಿನ್ನೈಪೆನು ನಯವ ಕೊಟ್ಟ
ಮನೋಹರುಷದಿ ನಮಗಿತ್ತ ವೈಭವವ ||3||

ಚೆಲುವರಾಯನ ರಥೋತ್ಸವದೀ ತೀರ್ಥ
ಕೊಲಿದು ಗಂಗಾದೇವಿ ಬರುವ ಸಂಭ್ರಮವ
ನೆಲೆಯ ಸರ್ವರಿಗನುಭವವ ಕೋಟಿ
ಮನೋಹರುಷವನ್ನು ನಮಗಿತ್ತ ವೈಭವವ ||4||

ನಿನ್ನ ಮೋಹದ ಕಂದ ನಾನೊ ಕೇಳೆ
ನಿನ್ನೊಮ್ಮೆ ದಿವ್ಯ ಹಸ್ತಂಜವನೀವ
ಚೆನ್ನಿಗ ವರದ ವೆಂಕಟಾದಿಕೇಶವನು
ತನ್ನ ನಂಬಿದ ಭಕ್ತರಾಶ್ರಿತ ಕಾಮಧೇನು ||5||