ಬಯಗುತನಕ ಆಟ ಕೂಟ

📂 ವೈರಾಗ್ಯ

✍️ ಕನಕದಾಸ

🏷️ ಕೀರ್ತನೆಗಳು

🎵 ರಾಗ: ತಿಲಂಗ್

🥁 ತಾಳ: ಆದಿತಾಳ

ಬಯಗುತನಕ ಆಟ ಕೂಟ ಊಟದ ಕೆಲಸ ಉಂಡ ಮೇಲೆ ಶಯನ ||ಪ||
ಬಯಲಾಯಿತು ಈ ಒಗತನವೆಲ್ಲ ರಕ್ಷಿಸಯ್ಯ ರಘುಕುಲ ತಿಲಕ ||ಅ||

ಪುರಾಣವಿಲ್ಲ ಪುಣ್ಯ ಕಥೆಯಿಲ್ಲ ಪಾರಾಯಣದಿ ಮನಸಿಲ್ಲ
ತರೋಣ ಬರೋಣ ತಿನ್ನೋಣ ಮಲಗೋಣ ಮತ್ತೇಳೋಣ ||1||

ಕಣ್ಣಿಗೆ ಜೋಂಪು ಹತ್ತುವತನಕ ಅನ್ಯ ವಿಷಯ ಮಾತುಕತೆಯಾಟ
ಹೆಣ್ಣು ಹೊನ್ನು ಮಣ್ಣು ಮಮಕಾರದಿ ಒಳಹೊರಗಿಣುಕಾಟ ||2||

ಹೀಗಾಗಿ ನಿನ್ನಲ್ಲಿಗೆ ಬಂದೆ ಇನ್ನಾದರು ಸಲಹೊ ಸಿರಿ
ಕಾಗಿನೆಲೆಯಾದಿಕೆಶವ ಶಿರಬಾಗಿ ಬೇಡಿಕೊಂಬೆ ||3||