ದೊರಕಿತು ಧರಣಿಗೆ

📂 ಶ್ರೀಶಾರದಾದೇವಿ

✍️ ಸ್ವಾಮಿ ಶಾಸ್ತ್ರಾನಂದ

🏷️ ಕೀರ್ತನೆಗಳು

🎵 ರಾಗ: ಹಂಸಧ್ವನಿ

🥁 ತಾಳ: ತ್ರಿತಾಲ

ದೊರಕಿತು ಧರಣಿಗೆ ಸಿರಿವರ ಇಂದು
ಕರುಣೆಯ ಮೂರುತಿ ಶಾರದೆ ಬಂದು |
ಪರಮ ಗುರುವಿನ ಶಕ್ತಿಯ ಸಿಂಧು
ಪೊರೆವಳು ಸರ್ವರ ಹೃದಯದಿ ನಿಂದು ||

ಕಲಿಯುಗದಾರ್ತರ ನೋಡುತ ನೊಂದು
ಒಲುಮೆಯ ಸುರನದಿ ತನ್ನಲಿ ಮಿಂದು |
ಕಲುಷವ ಕಳೆಯುತ ಬೆಳಗಲಿ ಎಂದು
ಸುಲಭದ ಸಾಧನೆ ಸಾರವ ತಂದು ||

ನಿರ್ಮಲ ಮೂರುತಿ ನಿಷ್ಕಲ ಇಂದು
ಕರುಣಿಸು ಒಂದೇ ಪ್ರೇಮದ ಬಿಂದು
ಪರಹಿತ ಜೀವಿತೆ ಸರ್ವರ ಬಂಧು
ಮೊರೆಯುವೆ ನಿನ್ನಲಿ ಕೃಪೆ ತೋರೆಂದು ||